Hyfforddiant ar gyfer eich busnes gofal plant

Gallwch gael yr hyfforddiant os ydych yn gweithio mewn lleoliad gofal plant nas cynhelir yng Nghaerdydd. Mae hyn yn cynnwys gwirfoddolwyr a darparwyr nad ydynt wedi’u cofrestru mewn lleoliadau blynyddoedd cynnar a gofal plant.

Efallai y byddwn yn cyfyngu ar faint o bobl o’r un lleoliad sy’n gallu mynychu cwrs.

Sicrhewch eich bod wedi darllen y telerau ac amodau cyn cadw lle. Gallwch e-bostio   DatblygurGweithlu@caerdydd.gov.uk i gadw lle.

Gallwch ofyn am gael eich ychwanegu at restr wrth gefn os yw cwrs yn llawn. Byddwn yn cysylltu â chi os daw lleoedd ar gael.

Darllenwch y telerau ac amodau hyfforddi a’r cod ymddygiad a hysbysiad preifatrwydd y Ganolfan Datblygu ac Achredu’r Gweithlu.

Taliad

Mae’n rhaid i chi dalu am gyrsiau ymlaen llaw. Byddwn yn eich ffonio i gymryd taliad trwy gerdyn debyd neu gredyd.

Rhaid i leoliadau’r Cyngor ddarparu eu codau cost wrth gadw lle. Rhaid i chi gadw cofnod o’r trafodion.

Byddwn yn anfon cadarnhad o’ch lle a derbynneb talu ar e-bost.

Gallwch newid yr aelodau staff ar y cyrsiau hyd at un diwrnod cyn i’r cwrs ddechrau. Cysylltwch â ni ar e-bost os ydych eisiau gwneud hyn.

Gallwch drosglwyddo archeb i gwrs diweddarach os byddwch yn rhoi o leiaf 7 diwrnod o rybudd i ni.

E-bostiwch DatblygurGweithlu@caerdydd.gov.uk i wneud newidiadau i’ch archeb.

Dim ond os byddwch yn canslo o leiaf 7 diwrnod cyn i’r cwrs ddechrau y gallwn roi ad-daliad.

Os bydd yn rhaid i ni ganslo cwrs am unrhyw reswm, byddwn yn rhoi ad-daliadau.

Ar gyfer lleoliadau Dechrau’n Deg nad ydynt yn dilyn y polisi canslo, neu os nad yw’r staff yn mynychu, codir ffi presenoldeb safonol ar y lleoliad. Mae hyn yn nhelerau Manyleb Gwasanaeth Dechrau’n Deg. Ni fydd eithriad i’r rheol hon.