Mae ein gwasanaethau rhianta ar gyfer unrhyw deuluoedd yng Nghaerdydd:
- gyda phlentyn o enedigaeth hyd at 18 oed, neu
- sy’n disgwyl.
Ein nod yw cefnogi rhieni a gofalwyr i gryfhau eich perthynas â’ch:
- bwmp,
- babi,
- plentyn bach,
- plentyn,
- plentyn yn ei arddegau, neu
- oedolyn ifanc.
Gallech fod yn rhiant, yn llys-riant, yn ofalwr maeth, yn fam-gu/tad-cu neu’n aelod o’r teulu sy’n gofalu am blentyn. Rydym yma i bawb sy’n cyflawni rôl rianta yng Nghaerdydd.
Mae bod yn rhiant neu’n ofalwr yn wahanol i bob un ohonom, ond mae pob rhiant eisiau gwneud yr hyn sydd orau i’r plant. Byddwn yn gwrando ar y pethau unigryw rydych chi am eu gwella i chi a’ch teulu.
Rydym yn gweithio gyda rhieni i:
- helpu i gryfhau perthnasau teuluol,
- datblygu gwell dealltwriaeth o’ch cryfderau fel rhiant,
- helpu rhieni i deimlo’n fwy abl i gefnogi datblygiad eich plentyn, a
- meithrin lles a gwydnwch i rieni a phlant.
Trwy rianta’n gadarnhaol a meithrin perthnasau ystyrlon, gall rhieni helpu i fagu plant hapus ac iach. Mae’n bwysig bod plant yn teimlo’n ddiogel, ac yn cael eu cefnogi i ddatblygu eu:
- dysgu,
- datblygiad emosiynol,
- hunan-barch, a
- chyfeillgarwch a pherthnasau iach.
Archwiliwch ein gwasanaethau rhianta a chewch wybod sut y gallwn eich cefnogi yn eich taith rhianta.
Archwiliwch ein gwasanaethau rhianta
- Gweld pob
- Oedran 16 - 18
- Oedran 12 i 16
- Oedran 8 i 12
- Oedran 5 i 8
- Oedran 3 i 5
- Oedran 0 i 3
