Ynghylch y gwasanaeth
Mae rhieni’n chwarae rhan bwysig wrth gefnogi iechyd a lles emosiynol eu plant, yn arbennig pan fydd ADCG ar eich plentyn. Bydd y cwrs yn darparu cymorth a chyngor i’ch grymuso i:
- gynyddu eich gwybodaeth a’ch dealltwriaeth o ADCG
- magu hyder a sgiliau i gefnogi plentyn ag ADCG
- rhoi cipolwg ar sut mae’n teimlo i fod yn blentyn ag ADCG
- ystyried sut mae rhianta cadarnhaol yn fuddiol i’r teulu cyfan
- trafod strategaethau rheoli ymddygiad effeithiol.
Beth sydd wedi’i gynnwys?
- Arddulliau rhianta a’r tasgau ychwanegol sydd eu hangen wrth fagu plentyn ag ADCG
- Pwysigrwydd cyfathrebu da, siarad a gwrando a meddwl am ffyrdd y mae plant yn dysgu sut i gael sylw
- Edrych ar ymddygiad emosiynol a sut y gallwn gefnogi ein plant i reoleiddio eu hemosiynau
- Edrychwch ar bwysigrwydd hunan-barch a sut y gallwn godi hunan-barch yn ein plant
- Hylendid cwsg a phroblemau synhwyraidd
- Gwybodaeth am y system addysg a hawliau eich plentyn oddi mewn iddi
- Cefnogi eich plentyn sy’n tyfu o ran perthnasoedd, brodyr a chwiorydd, y glasoed ac ieuenctid
Gwybodaeth ymarferol
Mae’n fwyaf addas ar gyfer rhieni plant rhwng 5 ac 16 oed.
Fel arfer mae grwpiau’n cynnwys rhwng 8 a 12 o rieni a gofalwyr, sydd fel chi eisiau darganfod ffyrdd newydd o gefnogi eu plentyn.
Mae croeso i chi ddod i’r sesiynau ar eich pen eich hun neu gyda phartner neu berthynas arall sy’n helpu i ofalu am eich plentyn.
Gallwn weithio gyda chi mewn grŵp neu’n unigol naill ai ar-lein neu wyneb yn wyneb.
Byddwn yn rhoi’r holl adnoddau sydd eu hangen arnoch ar gyfer y rhaglen.
Bydd egwyl lluniaeth ym mhob sesiwn.
Rydym yn argymell eich bod yn dod i bob un sesiwn er mwyn cael y gorau o’r rhaglen.
Os ydych yn dod i grŵp wyneb yn wyneb, rydym yn darparu crèche a redir gan staff cymwys.
Mae’r rhaglen yn cael ei chyflwyno gan ein hymarferwyr sydd wedi’u hyfforddi’n llawn. Maen nhw’n eich gweld chi fel yr arbenigwr ar eich plentyn eich hun. Bwriedir i’r sesiynau hyn fod yn rhyngweithiol.
Angen mwy o help?
Os nad ydych yn siŵr pa gefnogaeth sy’n iawn i chi a’ch teulu, gall ein cynghorwyr helpu..
Gallwch gysylltu â ni drw:
- llenwi ffurflen atgyfeirio Cymorth Cynnar,
- dechrau sgwrs we, neu:
- ffonio 03000 133 133.