Dechrau’n Deg Caerdydd
Yn darpau help ychwangenol i gael plant i ddechrau gorau mewn bywyd.
Mae Dechrau’n Deg yn rhaglen a ariennir gan Lywodraeth Cymru ac mae ar gael mewn ardaloedd penodol i gefnogi pob teulu i roi Dechrau Teg mewn bywyd i blant 0-3 oed. Nod y rhaglen yw darparu gwasanaethau cymorth dwys i blant a’u teuluoedd.
Mae’r rhaglen yn canolbwyntio ar hyrwyddo sgiliau iaith, gwybyddol, cymdeithasol ac emosiynol.
Mae hefyd yn pwysleisio datblygiad corfforol a nodi anghenion uchel yn gynnar. Mae hyn yn cael ei gyflawni trwy ddarparu cymorth ac arweiniad iechyd, grwpiau a chymorth rhianta, a gofal plant rhan-amser am ddim.
Dathlu 20 mlynedd o Ddechrau’n Deg
Mae Dechrau’n Deg Caerdydd yn dathlu 20 mlynedd o gefnogi plant a theuluoedd yn 2026.
Rydym wedi helpu miloedd o deuluoedd ar draws cymunedau i gael cymorth hanfodol. Er enghraifft:
- Gofal plant
- Cymorth rhianta
- Gwasanaethau Iechyd
- Cymorth gyda’r blynyddoedd cynnar
Yn ystod y camau pwysicaf o ddysgu a datblygiad plentyn, ein nod yw:
- rhoi’r dechrau gorau posibl iddynt, a
- helpu eu rhieni neu ofalwyr i deimlo eu bod yn cael eu cefnogi wrth iddynt ymdopi â bod yn rhiant.
Ers ein lansio gan Lywodraeth Cymru yn 2006, rydym wedi tyfu ac esblygu i ddiwallu anghenion newidiol teuluoedd heddiw.
Cefnogi teuluoedd
Mae ein gwasanaethau yn parhau i ddarparu:
- Cyfleoedd gofal plant o ansawdd uchel
- Gwasanaethau ymroddedig i blant ag anghenion dysgu ychwanegol
- Cymorth rhianta 1 i 1 a grŵp, a chymorth rhianta gartref
- Amrywiaeth o wasanaethau iechyd
- Lleoliadau a sesiynau chwarae
- Cymorth lleferydd, iaith a chyfathrebu
- Help i rieni i reoli perthnasoedd, emosiynau ac ymddygiad
Cysylltwch
Dysgwch fwy am y ffordd y gallwn eich cefnogi chi neu cysylltwch â ni heddiw.
