Ynghylch y gwasanaeth

Gall gofalu am eich plant fod yn llawn straen a heriau ar adegau. Mae Cadw Eich Plentyn Mewn Cof yn grŵp i rieni a phobl sy’n rhoi gofal i’ch helpu i weithio gyda’ch gilydd mewn ffyrdd sy’n cefnogi:

  • plant sy’n tyfu, a
  • bywyd teuluol llai cynhyrfus.

Rydyn ni’n defnyddio gwybodaeth ac ymchwil i wella dealltwriaeth rhieni o ddylanwad perthynas rhieni ar blant a phobl ifanc. Mae gwrthdaro rhwng rhieni a gofalwyr yn rhan arferol o berthnasoedd a bywyd teuluol ac nid yw pob gwrthdaro yn niweidiol pan gaiff ei ddatrys yn adeiladol.

Mae’r rhaglen hon yn ein helpu i feddwl am yr hyn rydyn ni’n ei wneud, pam rydyn ni’n ei wneud a sut mae’n gwneud i ni i gyd deimlo yn y teulu.

Mae’r rhaglen yn rhoi ffyrdd i rieni a gofalwyr ddatrys gwrthdaro ymhlith perthnasoedd yn adeiladol, gan ddarparu modelu rôl da i blant a fydd yn:

  • Gwella eu cyfle i gael perthnasoedd iachach yn y dyfodol
  • Gwneud yn well yn yr ysgol
  • Cynyddu eu cyfleoedd cyflogadwyedd
  • Lleihau’r risg o iselder a gorbryder
Children and divorce concept. Upset african girl closing ears not to listen parents arguing, sitting on floor at home, feeling lonely.

Beth sydd wedi’i gynnwys?

  • Dod i adnabod ein gilydd, beth i’w ddisgwyl gan y rhaglen a beth fydd yn ein helpu i gydweithio.
  • Archwilio pwysigrwydd perthnasoedd cadarnhaol o fewn teuluoedd.
  • Datblygu dealltwriaeth rhieni o effaith eu perthnasoedd rhyngbersonol ar blant a phobl ifanc.
  • Hyrwyddo dulliau cadarnhaol o leihau gwrthdaro rhwng rhieni.
  • Rhoi cyfle i rieni rannu eu profiadau gydag eraill.

Gwybodaeth ymarferol

Gallwn weithio gyda chi mewn grŵp neu’n unigol naill ai ar-lein neu wyneb yn wyneb.

Mae egwyl ym mhob sesiwn.

Byddwch yn cael llyfryn i helpu i gefnogi eich dysgu.

Mae croeso i chi ddod i’r sesiynau ar eich pen eich hun neu gyda phartner neu berthynas arall sy’n eich cefnogi wrth ofalu am eich plentyn.

Rydym yn argymell eich bod yn dod i bob un o’r sesiynau gan fod y rhaglen yn ffitio ynghyd fel jig-so.

Os ydych yn dod i grŵp wyneb yn wyneb, gallwn ddarparu crèche sy’n cael ei gynnal gan staff cymwysedig. Rhowch wybod i ni os oes angen lle arnoch.

Angen mwy o help?

Os nad ydych yn siŵr pa gefnogaeth sy’n iawn i chi a’ch teulu, gall ein cynghorwyr helpu..

Gallwch gysylltu â ni drw: