Mae gwarchodwyr plant yn cael eu talu i ofalu am blant o dan 12 oed. Maen nhw fel arfer yn gofalu am y plant yn eu cartref eu hunain.

I fod yn warchodwr plant, mae’n rhaid i chi:

  • fynd i sesiwn friffio,
  • cwblhau hyfforddiant cyn cofrestru,
  • cofrestru gydag Arolygiaeth Gofal Cymru (AGC),
  • bod â gwiriad GDG manwl,
  • cofrestru gyd CThEF, a
  • talu ffi diogelu data i Swyddfa’r Comisiynydd Gwybodaeth.

Sesiwn friffio

Mae’r sesiwn friffio yn esbonio beth sydd angen i chi ei wneud i ddod yn warchodwr plant.

Gallwch fynychu trwy ein Tîm Datblygu’r Gweithlu neu PACEY Cymru.

E-bostiwch Datblygu’r Gweithlu: DatblygurGweithlu@caerdydd.gov.uk

E-bost PACEY Cymru: paceycymru@pacey.org.uk

Hyfforddiant cyn cofrestru

Rhaid i chi fynychu’r hyfforddiant cyn cofrestru ar gyfer gofal plant yn y cartref a phasio 2 uned:

  • Cyflwyniad i Ofal Plant yn y Cartref (IHC), a
  • Pharatoi ar gyfer Ymarfer Gwarchod Plant.

Bydd angen i chi hefyd gwblhau 3 chwrs:

  • Cymorth Cyntaf Pediatrig Lefel 3,
  • Diogelu, a
  • Diogelwch Bwyd.

Mae’r cyrsiau hyn ar gael trwy ein Tîm Datblygu’r Gweithlu.

E-bost: datblygurgweithlu@caerdydd.gov.uk

Cofrestru gydag Arolygiaeth Gofal Cymru (AGC)

Ar ôl i chi gwblhau’r hyfforddiant cyn cofrestru, bydd angen i chi gofrestru ar-lein gydag AGC.

Gwiriadau y Gwasanaeth Datgelu a Gwahardd (GDG)

Bydd angen i bawb yn eich cartref sydd dros 16 oed gael gwiriad GDG Manwl.

Gwneud Cais am wiriad GDG Manwl.

Cofrestru gyda Chyllid a Thollau Ei Fawrhydi (CThEF)

Bydd angen i chi gofrestru fel person hunangyflogedig gyda Chyllid a Thollau EF (CThEF).

Gwnewch yn siŵr eich bod yn cadw cofnodion o’ch cyfrifon a’ch derbynebau.

Ffi diogelu data

Mae angen i bob sefydliad neu unig fasnachwr sy’n prosesu gwybodaeth bersonol dalu ffi diogelu data i Swyddfa’r Comisiynydd Gwybodaeth bob blwyddyn.

Rhaid i chi gofrestru gydag AGC cyn i chi gofrestru gyda Swyddfa’r Comisiynydd Gwybodaeth.

Angen help?

Gall ein Tîm Cymorth Busnes Gofal Plant eich cefnogi gyda materion fel:

  • ariannu,
  • cyllidebu,
  • marchnata,
  • cofrestru, a
  • chydymffurfio ag AGC.

E-bost: cymorthbusnesgofalplant@caerdydd.gov.uk

Ffôn: 029 2035 1362